شاطر
استعرض الموضوع السابقاذهب الى الأسفلاستعرض الموضوع التالي
avatar
محمود زيزو 2
الجنس الجنس : ذكر
العمر العمر : 17
المشاركات المشاركات : 713
الانتساب الانتساب : 29/07/2012
http://mahmoud14.forumegypt.net/

default الف ليلة وليلة ( الليلة التانية ) يلا ادخل شوف الليلة التانيةl

في الإثنين يوليو 30, 2012 2:34 pm
الف ليلة وليلة ( الليلة التانية ) يلا ادخل شوف الليلة التانية
الف ليلة وليلة ( الليلة التانية ) يلا ادخل شوف الليلة التانية
الف ليلة وليلة ( الليلة التانية ) يلا ادخل شوف الليلة التانية
:كمة: :كمة: :كمة:
:كمة: :كمة:
اصحابى وحبايبى عايزاكم تتابعوا الف ليلة وليلة معايا وتقولولى رايكم اوك يلا نبدا


الليله الاولى


"الله يخرب بيوتكوا ......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير المخروبه دى"
- دى الناس عامله مظاهره بره يا سعادة الباشا السلطان
- ليه بأه ان شاء الله؟
- مش لاقيين عيش
- طب قول للافران تخبز عيش
- ماهو الفرانيين عاملين مظاهره هم كمان
- ليه تانى؟
- مفيش دقيق
- قول للمطاحن يطحنوا شوية قمح
- نفس المشكله سعادتك مفيش قمح
- يا عم ما تخلى الفلاحين تزرع ده انت فقرى اوى
- ماهم بأه الفلاحين اللى عاملين مظاهره وسايبين الزرع عشان مش لاقيين عيش
- ااااااااااااه طب اصرفلهم عيش من المخازن
- ماهى فاضيه سعادتك من ساعة المظاهره الاولى
- خلاص اصرف لكل واحد كارت شحن من ابو خمسه وعشـ...ولا خليه من ابو عشره
- امرك يا سعادة الباشا السلطان
- تعالى هنا صحيح ............ جبتلى عروسه النهارده ولا ايه النظام؟
- هنشوف يا باشا
- طب استنضف بأه مش زى ليلة امبارح
- ماهو مفيش بنات يا باشا فى البلد.....الناس كلها بعتت بناتها للبلاد التانيه
- طب انت مش عندك بنت؟
- اه شهرزاد يا باشا
- طب هتجوزها.......روح يلا مالك متسمر كده ليه؟


"وفى قصر الوزير"
- يا بنتى اسمعى كلامى يلا ناخد اول طياره على بره
- لا يا بابا سيبنى احاول معاه
- يا بنتى انا شايل قرشين حلوين فى سويسرا هيعيشونا ملوك
- قلت لا ....لو عاوز تخلع انت اخلع لوحدك
- منا عامل كده عشانك انتى
- طب وعشانى انا اقعد وشوف انا هعمل ايه
- اما نشوف


(وتم الزفاف سريعا وفى اوضة النوم الملكيه....)
- انتى مالك فرحانه كده ليه؟ ده انتى هتموتى الصبح
- منا عارفه
- عارفه ومبسوطه كمان؟
- اه
- هو الوزير مخلف عيله هابله ولا ايه بس
- يا عم ما كلنا هنموت
- اه بس انتى بكره
- وانت امتى يعنى يا فتك؟
- الله اعلم
- مانت ممكن تموت قبلى
- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟
- يعنى حد يقول لعروسه فى ليلة فرحها هتموتى بكره انت كمان؟
- عندك حق انا هنام بأه
- نعم يخويا؟ انت متجوزنى عشان تنام وتموتنى؟
- خلاص خدى الريموت عندك فيه فيلم اجنبى حلو فى الـ MBC2 والاوربت فيها فيلم عربى جميل برده
- لا يا عم مش عاوزه تليفزيون
- امال عاوزه ايه بأه......احكيلك حدوته؟
- لا احكيلك انا يا شوشو
- طب احكى يا ستى وصدعينى
- ولو عجبتك تسيبنى متموتنيش بكره؟
- لو معجبتنيش هموتك دلوقتى ولو عجبتنى هسيبك للصبح
- طب اسمع الاول وبعدين ابقى بق
- قولى يختى
- بص يا عم بيقولك مره واحد .......
- انتى هتحكى حدوته ولا نكته؟
- اهمد باه انت مش ليك حدوته؟ اسمع للاخر بأه
- ماشى قول يا عم على بابا...........اوعى تكون بتاعة على بابا؟
- لا دى قصة واحد فقرى
- اه كده لايقه عليكى قولى ما هى ليله باينه فقريه من اولها
- بص يا سيدى وما ستك الا انا
- خدى راحتك مانتى كده كده ميته بكره
- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
- (بملل ) كملى كملى
- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
- اخلصى يا حجه بأه هو انتى بتحكى لعيل صغير؟
- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ...
- (باهتمام بس مش عاوز يبين) كل ده تحت الميه؟
- اه واخدوه على الملك بتاعهم كمان اواااااااااااااااااااااااه (بتتاوب)
- كملى بسرعه بأه
- لا يا عم انا عاوزه انام
- يا بت كملى باه متزهقينيش
- ازهق
- هتخلينى اتعفرت
- على نفسك
- يا مسرور
- امرك يا باشا السلطان
- طير رقبتها
- يلا يا مسرور طير وخلصنى وابقى كمله انت الحدوته بأه
- استنى يبنى انت ما صدقت يله .......روح انت دلوقتى
- امرك يا سعادة الباشا السلطان
- طب ماشى مجتش من يوم انا ممكن اجيب اى حد يحكيهالى بس يلا هسيبك وبكره تخلصى الحدوته واطير رقبتك ....


:كمة: :كمة: :كمة:
:كمة: :كمة:
:biuy:
avatar
ابن فلسطين
الجنس الجنس : ذكر
العمر العمر : 23
المشاركات المشاركات : 265
الانتساب الانتساب : 30/07/2012

default رد: الف ليلة وليلة ( الليلة التانية ) يلا ادخل شوف الليلة التانيةl

في الثلاثاء يوليو 31, 2012 3:03 am



سلمت يدآك..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق.
..}~ مودتي

avatar
Admin
الجنس الجنس : ذكر
العمر العمر : 21
المشاركات المشاركات : 7482
الانتساب الانتساب : 26/03/2012
الموقع الموقع : مصر
http://www.4egy.net

default رد: الف ليلة وليلة ( الليلة التانية ) يلا ادخل شوف الليلة التانيةl

في الثلاثاء يوليو 31, 2012 3:16 am
موضوع رائع + لا يحتسب ضمن العرض و ينقل للقسم المناسب


:3121331:  :2131313:
ليس كل من استخدم برامج التصميم أصبح مصمم
ليس كل من اخذ سيرفر أصبح مستضيف
ليس كل من ركب هاك اصبح دعم فني
ليس كل من ركب صفحة أصبح مطور
ليس كل من كتب كود أصبح مبرمج

قلب1 قلب1 قلب1 
و لكن كل من تواضع لله أصبح محترف
شهــــادة أعتـــز بها
avatar
الزعيم
الجنس الجنس : ذكر
العمر العمر : 22
المشاركات المشاركات : 1113
الانتساب الانتساب : 24/06/2012
http://www.4egy.net/forum

default رد: الف ليلة وليلة ( الليلة التانية ) يلا ادخل شوف الليلة التانيةl

في الجمعة أغسطس 03, 2012 3:47 pm
مشكووووور ياباشا وننتظر المزيد


avatar
ilyassM
الجنس الجنس : ذكر
المشاركات المشاركات : 46
الانتساب الانتساب : 03/08/2012

default رد: الف ليلة وليلة ( الليلة التانية ) يلا ادخل شوف الليلة التانيةl

في الجمعة أغسطس 03, 2012 5:47 pm
شكرا على الموضوع القيم والمشاركة العظيمة
دمت ودامت لنا اناملك اخي
شكرااا مرة اخرى
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
© phpBB | Ahlamontada.com | منتدى مجاني للدعم و المساعدة | التبليغ عن محتوى مخالف | الحصول على مدونة